Euskal Eskola Publikoaren Jaia hurbiltzen ari da
Euskal Eskola Publikoaren Jaia hurbiltzen ari da
Embedded Files
Ekainaren 7a gero eta gertuago daukagu, eta horrekin batera Euskal Eskola Publikoaren 33. Jaia ere bai. Aurten Santurtzin ospatuko da, eta dagoeneko argitaratu dute jaialdirako sortu den kantu eta bideoklipa: “Izan nahi duguna”.
Eskola publikoaren indarra, aniztasuna eta komunitatearen ilusioa ederki islatzen dituen lana da.
Hemen uzten dizuegu bideoklipa, denon artean gozatzeko eta zabaltzeko:
Gainera, jaialdiari buruzko informazio gehiago, egitaraua, materialak eta bestelako edukiak ikus ditzakezue Euskal Eskola Publikoaren Jaiaren webgunean.
Hemen uzten dizuegu lotura, nahi duenak gehiago arakatu dezan:
👉 https://www.euskaleskolapublikoarenjaia.eus/eu/
Gure komunitatea da jaia posible egiten duena. Beraz, anima zaitezte, partekatu kantu eta bideoklipa etxean, eta ospa dezagun elkarrekin eskola publiko sendo, ireki eta bizia.
Eskerrik asko, Gobela!
Elkarrekin, izan nahi duguna.
Gure ortua: ikastolako komunitate osoak elkarrekin hazitako proiektua
Gure ortua: ikastolako komunitate osoak elkarrekin hazitako proiektua
Dakizuen bezala, aurten ikastolako ortua proiektua martxan jarri dugu, eta eskola osoko ikasleek parte hartu dute ilusio handiz. Ikasteko, zaintzeko eta esperimentatzeko gune bihurtu da, eta talde bakoitzak bere ekarpena egin du baratza egunetik egunera hazten joan dadin.
Udaberria iristearekin batera, lehen uzta jaso dute: letxugak eta beste produktu batzuk bildu dituzte, beraiek landatu eta zaindu dituztenak. Haien aurpegietako poza eta harrotasuna ikustea izan da proiektu honetako unerik politenetakoa.
Ikasturtea amaitzear gaudela, argi esan dezakegu esperientzia hau oso aberasgarria izan dela ikastolako komunitate osoarentzat. Naturari buruz, ardura partekatuaz eta talde-lanaz ikasi dugu, eta benetan oso pozik gaude lortutako emaitzekin.
Hazten jarraituko dugu… eta ziur gaude hurrengo ikasturtean ere uzta ederra izango dugula.
Natura eta sormena uztartuz: buztin tailerra Gobelan
Natura eta sormena uztartuz: buztin tailerra Gobelan
Eguraldi ona iristearekin batera, Lehen Hezkuntzako laugarren mailako ikasleek aukera paregabea izan dute aire librean tailer berezi bat egiteko. Ikastolako kanpo‑espazioa aprobetxatuz, ikasleek buztinarekin lan egiteko saioa izan zuten, eskuak martxan jarrita eta sormena askatuta.
Gobelan oso garrantzitsutzat jotzen dugu haurrek naturarekin harreman zuzena izatea. Horrelako jarduerek ezagutza aberasten dute, eta aldi berean, jakin-mina, lasaitasuna eta ingurunearekiko gozamena sustatzen dituzte.
Ikaskuntza lurrarekin lotzen denean, ideiak indartsuago hazten dira!
26-4-23/24: Liburuaren Eguna ospatzeko IKASTOLAKO GAU LITERARIOA
26-4-23/24: Liburuaren Eguna ospatzeko IKASTOLAKO GAU LITERARIOA
Liburuaren Eguna dela eta, gure ikastolak esperientzia berezi eta zirraragarri bat biziko du: Gau Literarioa. Ekintza honen helburua elkarrekin gozatzea, elkarbizitza sustatzea eta, batez ere, liburuei merezitako garrantzia ematea da.
Datorren apirilaren 23an, LHko 3. eta 5. mailako ikasleek eskolan geratuko dira lo egiteko eta irudimenez eta sormenaz beteriko gau batean parte hartzeko. Gau horretan, haurrek irakurri, istorioak partekatu eta literatur tailerretan parte hartzeko aukera izango dute, hala nola mikroipuinak sortzeko tailerra, marrazki‑markagailuen tailerra eta irakurzaletasuna pizteko prestatutako beste jarduera batzuk.
Ekimen honen helburu nagusia da ondo pasatzea, aldi berean ikasleak irakurtzera motibatuz. Liburuak abentura, dibertsio eta ikaskuntza iturri agortezina izan daitezkeela erakutsi nahi dugu.
Eskerrik asko familiei erakusten ari zareten laguntzagatik eta ilusioagatik. Guztion artean jarrai dezagun irakurketaren plazera ospatzen.
24. KORRIKA: Atarratzetik Bilbora. Euskara gara. 2026ko Martxoaren 19tik 29ra
24. KORRIKA: Atarratzetik Bilbora. Euskara gara. 2026ko Martxoaren 19tik 29ra
AEKk antolatuta, Euskara gara lelopean, euskararen herria zeharkatuko du 24. KORRIKAk 2026ko martxoaren 19tik 29ra, Atharratzetik Bilbora. Omendua, bestalde, Errigora izango da. Laguntzaile kanpaina ere abian jarri da (hau da, Korrikari babesa adierazteko ekimena), eta Korrikaren doako aplikazioa, berriturik, eskuragarri dago gaurtik aurrera.
Oraingo honetan, euskararen aldeko mobilizaziorik handiena Atharratzen hasiko da, martxoaren 19an; gero, hamar gauren eta hamaika egunen buruan, Bilbon amaituko da. Bertan, lekuko barruko mezu sekretua irakurtzeaz gain, egun osoko jai-egitarauaz gozatzeko parada izango da.
2026/02/26 Getxo udaleko kanpaina: edari energetikoen kontsumoaren arriskuak
2026/02/26 Getxo udaleko kanpaina: edari energetikoen kontsumoaren arriskuak
Gure ikasleen ongizatea zaintzen jarraitzeko helburuarekin, Getxoko Udalak egindako energia‑edariak kontsumitzearen arriskuei buruzko kanpainaren bideo hau partekatzen dugu. Material honek edari horiek gorputzean izan ditzaketen eraginak azaltzen ditu, eta ohitura osasungarriak txikitatik lantzearen garrantziaz hausnartzera gonbidatzen gaitu.
Familiei bideoa ikustera eta etxean gaia komentatzera animatzen diegu, prebentzioa eta heziketa eraginkorragoak direlako elkarrekin lantzen ditugunean.
2026/02/20 Seme-alabak aldizkaria: eskola-jazarpena eta ziberjazarpena
2026/02/20 Seme-alabak aldizkaria: eskola-jazarpena eta ziberjazarpena
Bueltan gara ikasturte honetako Seme alabak aldizkariarekin, urte berriarekin batera “Eskola-jazarpena eta ziberjazarpena: familiak laguntzeko eta prebenitzeko gida praktikoa” gaiaz gure aldizkariaren ale berri bat (56. zenbakia) aurreratzen dizuegu.
56_semealabak_2026urtarrila_eusk.pdfPage updated
Report abuse