Gobela Ikastolan, Haur Hezkuntza 2 urtetik 6 urtera bitarteko umeei zuzenduta dago. Lerro bakarreko ikastola izateak aukera paregabea ematen digu haurrak modu pertsonalizatuan ezagutzeko, eta giro lasaia, gertukoa eta familiakoa sortzeko.

Jolasaren bidez ikasten dute, mugimendu autonomoa, hizkuntza-garapena, emozioen kudeaketa eta sormena landuz. Espazio zainduek, errutina egonkorrek eta talde txikiek ikasleen ongizatea eta autonomia erraztu egiten dute.

Gure oinarriak:

• Ingurune segurua, hurbila eta afektiboa

• Ikaskuntza aktiboa eta esperientziala

• Euskara komunikazio-hizkuntza nagusi gisa

• Autonomia eta mugimendu askatasuna

• Familia-eskola harreman estua

Lehen Hezkuntza 6 urtetik 12 urtera bitarteko ikasleekin garatzen da, eta Gobela Ikastolan lerro bakarreko egiturak aukera eskaintzen du ikasleak hurbiletik jarraitzeko, haien garapen akademikoa eta pertsonala ondo ezagutuz.

Ikaskuntza esanguratsua eta aktiboa bultzatzen dugu: irakurmena, idazmena, matematikak eta zientziak dira ardatz nagusiak, baina sormena, pentsamendu kritikoa eta proiektu bidezko lana ere funtsezkoak dira gure hezkuntza-proposamenean.

Gure indarguneak:

• Ikasle bakoitza hurbiletik ezagutzea

• Giro lasaia, familiakoa eta bizikidetza positiboa

• Irakurketa eta idazketa gaitasun sendoak

• Matematika manipulatiboa eta esanguratsua

• Euskararen erabilera naturala eta egunerokoa

• Mugimendu autonomoa eta jarduera fisikoa